Profil, xidmət və qiymət məlumatları

• özünə məxsus və ya qanuni istifadəsinə icazə verilmiş fotoşəkil, video, mətn və digər materialları yükləməlidir;
• başqasının fotoşəkilini və ya digər məzmununu lazımi icazə olmadan istifadə etməməlidir;
• xidmətin təsviri, qiyməti, əhatə dairəsi, mövcudluğu və əlavə şərtləri barədə doğru və aydın məlumat verməlidir;
• müştərini xidmətin nəticəsi, qiyməti, təcrübəsi və ya ixtisası barədə yanıltmamalıdır;
• profil və əlaqə məlumatlarını aktual saxlamalı, dəyişiklikləri vaxtında yeniləməlidir.

Müştəri ilə razılaşma və sifariş

Dekorçu müştəri ilə xidmətin həcmi, qiyməti, icra müddəti, ödəniş və digər vacib şərtləri sifarişdən əvvəl aydın şəkildə razılaşdırmalıdır. Razılaşdırılmış şərtlərə əməl etməli, dəyişiklik və gecikmə ehtimalı barədə müştəriyə vaxtında məlumat verməlidir.

WooCommerce/Dokan üzərindən sifariş yaradıldıqda platformadakı sifariş məlumatları və elanda göstərilən satıcı/təchizatçı nəzərə alınır. Alldekor konkret xidməti özü təqdim etmədiyi halda faktiki icraçı kimi göstərilmir; bununla belə, platformanın və satıcının qanundan irəli gələn öhdəlikləri bu qaydalarla aradan qaldırılmır.

Hüquqlara hörmət və qanuni istifadə

Dekorçu müştərilərin və digər dekorçuların müəlliflik, kommersiya və şəxsi hüquqlarına hörmət etməlidir. Şəxsi məlumatları və üçüncü şəxsin təsvirini müvafiq hüquqi əsas olmadan açıq elanlarda paylaşmamalıdır. Platformadan spam, saxta elan, qanunsuz xidmət və ya digər şəxslərə zərər vurmaq məqsədilə istifadə etmək olmaz.

Materialların hüquqi istifadəsi ilə bağlı daha ətraflı məlumat Müəllif Hüquqları Siyasətində göstərilib.

Qayda pozuntuları və tədbirlər

Alldekor.az platformasının qaydalarını pozan elan və ya hesabı məhdudlaşdırmaq, gizlətmək və ya silmək hüququna malikdir. Müraciətlər mümkün olduqda araşdırılır və aidiyyəti dekorçuya cavab vermək imkanı verilir. Mümkün pozuntunu şikayət formasından bildirmək olar.